पिंपरी : पिंपरीतील डॉ. डी. वाय. पाटील आयुर्वेद महाविद्यालय, रुग्णालय आणि संशोधन केंद्रात ‘आयुर्वेदातील संशोधन’ या विषयावरील आंतरराष्ट्रीय परिषदेचे आयोजन १९ व २० ऑक्टोबर रोजी करण्यात आले आहे.
डॉ. डी. वाय. पाटील आयुर्वेद महाविद्यालय, इंटरनॅशनल अकॅडमी ऑफ आयुर्वेद व ‘आयएमएव्हीएफ, नेदरलँड’ यांच्या संयुक्त विद्यमाने या परिषदेचे आयोजन करण्यात आले आहे. वेगवेगळ्या देशांतील आरोग्यातज्ज्ञ, संशोधक, विद्यार्थी असे एकूण ४००हून अधिक जण परिषदेत सहभागी होणार आहेत.
आयुर्वेदातील संशोधनाचा प्रचार व प्रसार व्हावा, आयुर्वेदात नवनवीन संशोधन करण्यास गती प्राप्त व्हावी, तसेच या क्षेत्रात नवपिढीचे योगदान वाढावे आणि गुणवत्तापूर्ण संशोधन कार्य घडावे, या प्रमुख उद्देशाने या परिषदेचे आयोजन करण्यात आले आहे. या परिषदेचे उद्घाटन १९ ऑक्टोबर २०१९ रोजी सकाळी साडेअकरा वाजता डॉ. के. एस. धीमान (डायरेक्टर जनरल, सीसीआरएएस, नवी दिल्ली) यांच्या हस्ते होणार आहे.
डॉ. पी. डी. पाटील (कुलपती, डॉ. डी. वाय. पाटील विद्यापीठ), भाग्यश्री पाटील (उपाध्यक्षा, डॉ. डी. वाय. पाटील विद्या प्रतिष्ठान सोसायटी), डॉ. स्मिता जाधव (विश्वस्त व कार्यकारी संचालक, डॉ. डी. वाय. पाटील विद्यापीठ), डॉ. एन. जे. पवार (कुलगुरू, डॉ. डी. वाय. पाटील विद्यापीठ), डॉ. ए. एन. सूर्यकार (कुलसचिव, डॉ. डी. वाय. पाटील विद्यापीठ), डॉ. जोस रुगे (शुद्ध धर्म मंडळ, ब्राझील), डॉ. सुभाष रानडे (अध्यक्ष, इंटरनॅशनल अकॅडमी ऑफ आयुर्वेद, पुणे), डॉ. सुनंदा रानडे (उपाध्यक्ष, इंटरनॅशनल अकॅडमी ऑफ आयुर्वेद, पुणे), डॉ. गुणवंत येवला (प्राचार्य, डॉ. डी. वाय. पाटील आयुर्वेद महाविद्यालय). डॉ. बी. पी. पांडे (सल्लागार, डॉ. डी. वाय. पाटील आयुर्वेद महाविद्यालय). डॉ. दिगंबर दिपंकर (आयोजन सचिव, डॉ. डी. वाय. पाटील आयुर्वेद महाविद्यालय) आणि डॉ. मंदार बेडेकर हे परिषदेला उपस्थित राहणार आहेत.
या परिषदेत देश-विदेशातील तज्ज्ञ डॉक्टर्स विविध विषयांवर मार्गदर्शन करणार आहेत. त्यामध्ये डॉ. के. एस. धिमान (सीसीआरएएस, नवी दिल्ली), डॉ. श्रीराम सावरीकर (नवी दिल्ली), डॉ. जोस रुगे (ब्राझील), डॉ. एम. एस. बघेल व डॉ. अनुप ठकार (जामनगर), डॉ. रमेश भोंडे (पुणे), डॉ. एन. श्रीकांत (नवी दिल्ल्ली), डॉ. सुप्रिया भालेराव, रणजित पुराणिक (धूतपापेश्वर) या प्रमुख वक्त्यांचा समावेश आहे.
या आंतरराष्ट्रीय परिषदेमध्ये शिक्षणतज्ज्ञ, व्यावसायिक डॉक्टर्स, पदव्युत्तर पदवीचे विद्यार्थी आयुर्वेदात केलेल्या संशोधनावर पेपर सादरीकरण व भितितीपत्रक सादरीकरण करणार आहेत. पहिल्या दिवसाच्या सांगतेवेळी परदेशातून आलेल्या मान्यवरांसाठी सांस्कृतिक कार्यक्रमाचे आयोजन करण्यात आले आहे. ही आंतरराष्ट्रीय परिषद डॉ. डी. वाय. पाटील वैद्यकीय महाविद्यालयाच्या सभागृहात होणार आहे.
